12/28/2018

alang kang fr. M.

karon gibalita niya
kanamo ang kamatayon sa
usa ka pari

setentay nuybe na siya
namatay sa sulod sa iyang
lawak
namatyagan buntag na kay
wala mitungha sa ilang
pamahaw

mangadto daw ming tanan
sa haya
isip pasidungog sa kataposang
pamalandong
bahin sa iyang mga gibuhat niya
kanamo
kaniadto

miingon si alan 
kutob ra siya sa haya
dili siya mokuyog sa
lubong

daghan ang misaad
apan sayod ko nga sama
sa tanan
walay motuman niini.

No comments :

Post a Comment

Lami ba?