pinungpong

nagbasa kog
balik sa akong balak
nga gisulat ko
duha na ka tuig ang
milabay,

nagigkan ko.
naglibog ko nganong
nasulat ko kadto.

dis-a ko kaha gikan
ang kagilok?
asa na kaha mipaingon
ang maong kagilok?

sa samin nakita ko
ang gamay nga batang
lalaki
nanghiwi nako
nga mora kog gisura

wa niya masabti
ang akong nasabtan
kaniadto nga
ako pa kadto siya.

si tatay puros buhat
puno siya sa kahilom.
si nanay paspas nga
nagluto sa sud-an nga
inun-unan para sa
among panihapon.


nangadye mig sayo
aron matulog ug sayo.
gipalong ang suga
unya kadtong gamay
nga bata didto sa samin
kalit sang nawala.

kon iphon gikan 
karon, pulo na ka
tuig ang milabay
namunga na ang
mangga ug
mga pinungpong.