ang daang karomata

mas daghan
ang mahisgotan sa usa
ka gubaon nga karomata
nga anaa gibutang
sa kilid sa kamalig
nga gihiposan
sa binakid nga humay
ug mga bil-ongan

wala kini gipasinaw sa
ulan
wala sab nag-alirong
ang mga ina-an

adunay itom nga iro 
sa kilid sa pultahan nga
nagpabiling abri
sa dugay na nga panahon

ang mag-uuma nga migamit
niini sa hinakotay
ug ang kabaw nga giyugohan
nga tigbira niini
hagbay na nga patay