2/13/2020

alang sa akong ex

ganahan baya ko gihapon nimo,
ah, dili ikaw, apan ang imong kahilom.
bulawanon lang gihapon.
kadtong nahitabo gibilin nato sa
kagahapon, morag tsinelas nga wala
kasulod sa lawak, nga wala gisaka sa
balay.
ganahan ko gihapon nimo,
kadtong nahitabo kaniadto, nahisama
sa duha ka bongbong, gitung-an sa 
init nga hunghong, walay ngabil,
walay gilitok nga pulong, sa tumang
kalamian.
ganahan ko gihapon nimo,
diha sa imong pagpakahilom,
samtang gidagit ko sa hangin,
palayo kanimo.
karon, hilom tang duha,
walay matampo sa awit sa
gugma, sa atong kagabhion.

No comments :

Post a Comment

Lami ba?