katulog na lang....

ang pagpamalak
man god
usa ka pagsalom sa
suba
dayon pauyonuyon
ka lamang
sa iyang sulog
nga wala kay gihawiran
bisan gani ang
imong dunggan

mamati ka lamang
mobati ka lamang
mahimo ganing imo
sang tilawan
diha sa kagawasan

ang akong sayop
mao nga ako misangyaw
na man hinoon
sa mga isda ug mga bato
sa lumot ug sa
mga nanglutaw didto

ayaw pamilosopiya
ayaw pagsangyaw
kon dili mo mapugngan
kawas diha sa suba
pag-ilis sa imong sinina

bulad sa adlaw
diha sa ibabaw sa bato
higda, 

katulog.