bisan sa ka
busy
ania, ania ang
gatikawtikaw
taliwala sa kabaga
nga buluhaton
baga pa sa kubal sa
akong tiil
sa akong kumagko
bisan pa sa kasikas
ania ang akong kalinaw
mitugpa
misulat sa tubig
mikapakapa sa balas
namahid sa iyang puti
nga balahibo
sa basa nga sagbot
tungatunga sa
lapok.
ginaingon nga
if you do not believe
in fairies
then another fairy dies.
dili kaha nga ang
magsusulat mamatay usab
kon wala nay
mobasa sa iyang gisulat/
akong tubag dili gyod
apan segurado ko nga
kon dili na makabasa ang
maong magbabasa
dakong posibilidad nga kana
siya patay na
sama sa hulmigas nga dili
kasaka sa lubi
dili ba ang tubag mao nga
hulmigas nga patay?
migamot ang
kahoy nga taw-an
nga iyang gipuy-an
tupad sa kapilya
nga karaan
midako ang karahan
gitulon ang
kapilyang karaan....
gibunalan sa mama
sa gamay pa siya
dila ra ang walay
labod...
midako nga labod
ang kapalaran mibunal
ang lawas nabun-og
ang kalag ra ang
walay labod....
Wala diha ang gugma
sulod sa imong lawak
busa wala na ako manuktok
gihatag ko ang lawak
alang kanimo
tungod kay ang gugma
wala naman natulog
didto
mag-unsa man ang lawak
kon wala na ang gugma?
katre lamang nga wala ang
kainit
alugnan nga walay gidungog
nga pag-ampo
sa imong katulugon.
ang mga agianan nga
kakugnan
makahinumdom
sa mga miagi niini
ang yamog nga nauga
sa dahon
sa miabot nga kahayag
naghatag sa kahulugan
sa milabay nga
kamatayon....
