nagpasad ang kasakit

sa dakong lamesa sa talad sa  atong kan-anan

gihakop ko ang pipila ka

platong kasakit

gikumot-kumot ko sa akong mga palad

ug dayog hungit sa dakong

baba sa akong atay

akong giusap pag-ayo ang kasakit

sa akong mga ngipon nga morag kahait sa nilimbasang gabas

gipasok-gidus-ok  nako ang mga kasakit

sa kilid sa 

namyahok  kong mga aping

giayog tam-os ang iyang kapait,

giusap ang iyang  kaaslom

ug gilad-ok ang iyang kalood

gihipos ko ang uban nga gadasok

sa mga lawak sa akong

upat ka mga 

alingagngag

tan-awa ko 

di ba mora na ko ug unggoy?

gibinuangan ko sa mga kasakit

gilutos ko sa mga kaguol

nabukog ang akong tilaok sa iyang

kahait

kusog kong  mokaon ug daghan kaayong

palanggana sa kasakit

tinadyaw ang akong giinom sa iyang

mga pinug-ang

kaaslom

apan wala ko mamatay

wala masunog ang akong mga tinae

wala ko nalanag

 

kalooy sa Diyos

ang akong kalag

nia ay

nanambok

ayaw kog suraha

akong hunahuna haskang

hubaga