ang akong kasingkasing
walay pahulay diha sa imong
dughan
nagsalimuang kini sa tumang
kalipay
wala na gani makaila kon
kinsa ako
wala na gani nakat-on sa
maayong pamatasan
miiingon ang akong hunahuna
"pagkabuang ko, pagkahangal"
mitubag ang akong kasingkasing
"dali diri ayaw na pagasaba"
mipatong ako sa bungtod nga
kamay
gitagsa tagsa kog tam-os ang
mga tibugol sa
kalipay
hilom ang langit
namati sa pag-agulo sa kasingkasing
nga sa iyang dakong lawak
wala nay kabutangan sa kalipay
nadungog ko ang hunghong
"dali na, dali na,
ako ang tambal sa imong
kaguol
ako ang hulip sa imong
kahaw-ang"
mitoo ako kanimo
misunod ako kanimo
sa hinay hinay nahilis ang
dakong bungtod nga kamay
sa nagtubod kon laway sa
kanunay
human sa dakong dumog
sa langit ug yuta
mibilangkad ako pag-abot
sa adlaw
hilom kong gidawat
diha sa imong hugot nga
gakos
ang akong kapildihon
ugma damlag
human niining tanan
moingon ako ni Bathala
ania ako
dili na hubog
dili na hubo
dawata ang akong kasingkasing
sa iyang
kataposang pagpahulay
