lahi ang akong
damgo
gisugid ko kanimo
gani
nagpasalamat ako
sa Ginoo
sa dihang nakamata
ako
ug nakita nga dili
diay tinood ang
tanan
gihapohap mo ang
akong buhok
ug miingon ka nga
layo ra kaayo nga
mahitabo kadtong
imong damgo
lalom ang maong
damgo
daghang simbolismo
nga wala ko pa
natugkad
apan ako na kining
gibalewala sa pasalig
mo nga dili gayod
kadto mahitabo
tali kanato
miinom ako ug bugnaw
nga tubig
miginhawa ug lalom
sulod sa akong kasingkasing
anaa ang hunghong
nga kadto gayod
tinood
ug tungod sa kapait sa
kamatooran niini
migawas ako sa balay
gihaploy ang akong iro
gilingaw ang kaugalingon
ug ako usab miingon
dili gayod kadto tinood
dala sa panaghap nga gipalid
sa hangin
unta, unta, dili kadto
tinood......
