nindot ang pagsulat
pagkahuman

sa paghagwaay sa duha
ka uhaw kaayo
nga gugma

mas maanindot ang mga balak
kon dili ka na gutom
sa gugma kon miawas na ang tanan

diha sa imong dughan
sama sa tubig nga gidagit sa baha

og miambak diha sa
dakong pangpang

mas maanindot ang balak
kon mipahulay na kita pagkahuman
sa usa ka
damgo nga natuman tungod
sa atong
pagsinabtanay nga kita magminahalay

nindot ang balak pagkahuman...