sa adlaw sa imong kamatayon

walay kisaw ang
suba


sa kinabuhi
nagmalinawon ang
tubig
og ang mga anino
sa bungtod og
sa mga kahoy
nahinanok pa gihapon
sa ilang
nindot kaayo nga
katulogon

ang wala nimo
hisayri
mao nga ang sakayan
alang kanimo
nagpaabot

aron ka dalhon
sa pikas tampi
diin nahisulat nga
ikaw
dili na ibalik dinhi
sa isla
nga imong gikawilihan

inig tugtugaok sa
pula nga sunoy
putlon na
ang tanang mga
pangandoy