alang kang Jeff ug sa iyang mga kaliwat nga namakwit sa bukid sa Antulanga kaniadtong 21 sa Disyembre

wa matapos ang
kalibotan Jeff

sayang wa ka
kaapil sa party kagabii

pagkalamian sa kinilaw
nga bangus

maayong pagkalata
ang humba

pagkananam sa
beef steak

unya ang Queen's Lechon
pagka-crispy ang
panit

gabaha ang san mig beer
ug tanduay

napura ko
sa  buko-pandan
nga salad


sayang
nauwat ka nga
maglunop ang
kalibotan
unya mangamatay
kaming
tanan

unta dili kaayo danlog
ang dalan
sa Antulanga

unta dili mo madakin-as
sa inyong
pagkanaog unya
sayo sa buntag

kami nga wa
mitoo ( ug misalig
sa pung sa
Ginoo)

ania nagpaabot
lang gihapon
kaninyo.