12/05/2012

masamdan lang gihapon kining kasingkasing nga gikubalan

daghang dili malitok
dili lang mga pulong ang
malitok
daghang pang dili malitok
labi na
ang kamatuoran
nga naghatag ug
dakong linog
sa atong
dughan ug
utok

kabalo ka

apan unsa pa may
pus sa
paglitok niini? makabungkag
lang kini
sa atong mga
gitukod

kinsa ba ganahan
ang magbungkag sa atong mga
balas nga
palasyo sa
baybayon?

sa mga bata pa kita
mao kini ang atong kinaham
bungkag tukod
pista diha sa gukod
ug katawa

apan kining atong mga
bukog
lahi na
mora na kinig mga
basong dali moliki
sa ininit nga tubig

sakit ang paglabay
sa mga
buak
bisag diha sa tumang
pag-amping
sa paghipos sa tanan
masamdan
lang gayod gihapon
kining
kasingkasing
nga gikubalan

No comments :

Post a Comment

Lami ba?