4/14/2013

larawan mo

anaay naa kanimo nga
nakapabuhi sa akong dugo nga
patay

larawan mo lang gani kana

wa ta sugod magkahibalag
wa nako mabati ang kainit sa imong kamot
wa ta magkadug-ol
busa dili nako ikapanugilon ang
imong kahumot
o kabaho ba kaha

anaay naa lang kanimo nga
nakapatandog kanako
apan dili gayod nako matugkad

larawan mo lang ang akong
gikubtan
apan mikurog na ang akong
kabukugan

pagkalayo natong duha
bitoon ko
alibangbang ka

kon litokon mo lang unta ang akong
ngalan
andam akong magpatihulog sa akong
hayhayan

No comments :

Post a Comment

Lami ba?