4/16/2013

ang kaminyoon nga wala nay asin

Ang inun-onan
wala nimo asini

labaw na ang
tinolang diwitdiwit
haskang
tab-anga

ang akong kape
wa sad nimo
asukare

unya mitubag
ka,

mao kana ang
kaminyoon

miabot na ang
katab-ang

ug usa niana ang
hinungdan

mahimong ako
mahimong ikaw

dili mahimong
ang tasa og ang
kutsarita

o ang kaldereta
o ang

isda mismo nga
patay na nga miabot
sa atong kusina

No comments :

Post a Comment

Lami ba?