4/08/2013

kitang duha sa lima ka adlaw nga pagkawagtang

lima kita ka adlaw nga nawala
mipahawa kita
aron unta atong mahikaplagan
ang wala na kanato
nga wala na dinhi ug
naningkamot kita nga basin didto sa halayong lugar
sa pito ka lawod sa pito ka bungtod sa pito ka baybayon
makita nato pagbalik
ang kanhiay

pagbalik nato
wa na nato hisgoti ang wala nato mabati

gidawat nato ang kalayo sa lugar
unya gisugdan nato pagdamgo
ang wala nato
mahikap

No comments :

Post a Comment

Lami ba?