2/20/2014

gugmang patay

misaad ka nga
hikalimtan ang wala mahitabo niadtong
gabhiona

ug sama sa naandan
ang saad usa ka sanga nga nabali
unya imong gikuha ug dayon nimog
bunal sa imong
kaugalingong
kapakyasan

misaad ka nga unta ang kagabhion
dili na taposon
ug gihatag kini kanimo
kuyog sa imong anino gikab-ot mo
ang kahayag
aron unta mamatay ang mga bitoon
ug ang bulan
maulawan

ug sama sa naandan
pakyas ka sa imong mga pangandoy
sud sa imong dughan
anaa ang gibalibalikan mo nga lawak
halad ug bulak
sa gugmang patay


No comments :

Post a Comment

Lami ba?