2014/05/01

matug ka na? sayo pa man
ayaw usa, pakigsandurot una
sayang ang kaanyag sa kagabhion kon imo lang kining katulgan
mainsultuhan gayod ang bulan kon imo kining talikdan
ug ang mga bitoon
ayaw intawon silag tagai ug kahiubos
wala pa gani nimo
mahagki ang katahom sa ilang
galagiti nga kahayag
pagkadaghan sa ngabil sa mga bitoon
nagpaabot sa imong ngabil
pagkaanindot sa dughan sa bulan
naghandom sa kainit sa hapyod sa imong mga kamot

No comments :

Post a Comment

Nindot ba? Unsay imong maikasulti?

Panginhas dire