5/24/2014

sa tungang gabii
pamiloon mo ang mga habol
plantsahon mo ang mga ponda
ilain mo ang mga pantalon
hiposon ang mga panyo
ako sab
magtapok sa mga libro nga
dugay na nga nagbuka sa ilang mga
dahon
nga wa pa nako mabasa
ingon ani tang duha
kon maghunahuna na gani kon unsaon pag-ikyas
ang napriso tang mga pagbati
palabyon ta ang kagabhion
sama sa usa ka di kaila nga anino
giandam na usab nato ang akong mga
dughan
ug mga bukton
sa pagakos sa
bag-ong kabuntagon

No comments :

Post a Comment

Lami ba?