5/02/2014

sama nimo
limtanon na usab ako
ang antipara nga gisablay
sa dunggan gipangita sa
lamesa

dili na sab ko tigsuot ug
medyas
usahay dili pareho ang
kolor
aduna koy adtoan
unya sigi kong kalapas
kon akong balikan
sigi lang malimtan
wa ko na gihandom pa
nga moabot ka
balik kanako isip usa ka
tigpahinumdom
ning puntoha
kulang pa gani kanako
ang usa ka gatos ka
kalimot

No comments :

Post a Comment

Lami ba?