mora ka nag
budbod sa guot
mo kaayong sinina

gikan pa kaniadto
ang mga salip-ot
ang mga guot man
gayod ang imong
mga gusto

sa imong kasal
karong agosto
guot nga trahe de
boda ang imong
gisukod ug
mipahiyom ka
sa atubangan sa
samin sulod sa
imong lawak nga
hagip-ot usab
sa kadaghan sa imong
mga hinipos
nga unta angayan
na nga ilabay

nahimong guot ang
kalibotan
ang langit ang
agianan sa sapa

ug nganong gikalipay
mo ang tanan
ikaw lang ang nasayod