2017/04/21

mga kalahian

lahi ang gugma
lahi usab ang mga
panginahanglan
sa unod

dili buot ipasabot
nga sa akong paghaploy
sa imong buhok
sa usa ka pagbudhi

nga gikalimtan ko na
ang nangagi sa 
mga rosas

wala ko hikalimti ang
kalayo sa dapog
ang kahumot sa bag-ong
gihaon nga
sinanglag

lahi lang gayod ang kurog
sa akong kumagko
ayaw sabta nga nawala na
ang akong mga pangko

lahi ang gugma sa iro
sa usa ka bukog
lahi usab ang gugma sa
kagabhion
sa mga aninipot

Panginhas dire