5/25/2017

tugpahanan

puting kalapating misulod sa akong lawak
mas puti pas kahayag, balahibong mas humok
pas lumot sa panit sa kahoy,
gihimashimas nako ang iyang dughan
gihagkan ko ang iyang sungo, wala kami
nagtinutukay, lahi ang among gigikanan
lahi sab ang among padulngan, akong
gibuhian ug milupad kini sa gawas sa 
akong balay, usa ka tinipigan nga akong
gihatagan ug kaluwasan, ug sa kanunay
gihandom ko ang pagbalik niya sa akong
abli nga bentana, aron unta mahibalik na usab
siya isip akong tinipigan.
walay hisgot kabahin sa gugma.
walay hisgot kabahin sa ugma.
ang karon lamang, ang karon lamang.
nga among gikalipay.

No comments :

Post a Comment

Lami ba?