2017/07/05

nihit nga kalipay

ang sakit
kabahin niini
ug niadto mao
nga ang wala
pagdawat
nga sa maong
hitabo
ikaw man lang
ang nalipay

wala ko na
gihunahuna ang
laing mas sakit
pa kabahin niadto
ug niini
nga sa laing bahin
sa laing suok sa
akong kinabuhi diha
kanimo
ako lang man usab
ang nalipad

ambot ba ngano
nga nihit man ang
kalipay nga
magdungan diha
sa duha

kadtong buto-buto
sa kaluwasan
diin pati ang mga
bitoon
nahilom sa tumang
kasina

Panginhas dire