ang pagsulat sa mga balak

ang pagsulat sa mga balak
mao lamang ang pagpahungaw
sa bisan unsa lamang

kadtong dili mo masulti sa lain
kadtong dili mo masulti bisan
sa imong kaugalingon
gisulat mo aron maatubang mo
kini nga morag higala
o kaaway, o kaila o dayo,

sa dihang napatik na kini sa
papel
lahi na kini siya kanimo bisag
gikan kini kanimo

aduna na siyay kaugalingong 
pulong, lawas, kalag ug
kabubut-on.