sakit sa buot.....

sakit sa akong buot
nga kalimtan ka, apan
ako lang ang gaingon 
niana, dili ikaw.

wala koy kasayoran
sa imong gibati. 
dili ko mangutana.
wala na nako kinahanglana
ang imong tubag.

nahuman na ang tanan.
unya wala nay usbon pa.
gilubong ko sa kalimot
ang gihandom ko nga
kalipay.

ako lang ang nalipayl
kon nagsubo ka kabahin niini
pasayloa ang buta.
ayaw paningkamot nga
makadungog ang bungol.
nga makasulti pa ang amang.

salamat, salamat.
ayaw na duawa ang paghinumdom.
nahikatulog na kini sa tumang
kakapoy.