balitok

magkatuiris
ang mga balak
wala sa tono
dili awit
wala na ang ritmo

ning adlaw sa
kaguol
ug kaguliyang
magpista kita
sa adlaw unya sa
kalipay
magbakho kita

nabali na ang 
kalibotan
ang bukid nahimong
lawod sa dagat
ang kalayo mapalong
ang ulod manglupad
ang langgam
morag mga giulod nga
mangga
mangahulog, malata
madukta

apan bisan pa niini
ania ang magbabalak
mibalak
kabahin sa tuiris,
sa kaguligayang
sa mga butang nga miabot
nanulisok, 
iyang gitusoktusok
dayog balitok.