tungod kay nawala na ang imong pagsalig
ni bisan kinsa, mas miluag ang imong dughan
morag balay nga gibiyaan, gihakot ang
mga lingkoranan, ang kan-anan unya
gibilin na lamang ang kahilom sa salog
ug sa abli nga mga pultahan ug bentana.
lalom na ang imong mga giluom dili sama
kaniadto nga matag hitabo ipanugilon mo.
karon, ikaw lang ang nahibalo sa mga
panghitabo, ikaw lang ang makigsulti sa
imong kaugalingon, ikaw lang ang mokatawa
ug magsubo, ikaw lang ang ikaw ug ikaw gayod.
No comments :
Post a Comment
Lami ba?