2/12/2010

mga timailhan sa usa ka bakakon

kon imong pangutan-on
masuko dayon,
kon dili nimo ambaton
mamuyok
mangablit mangutana
kon nganong
hilom ra kaayo ang
panahon

sa usa nimo ka pulong
pulo na ang iya
kon imong tan-awon
molingiw
kon imong hikapon ang
iyang dughan
wala na ang kainit
ang iyang kamot bugnaw
sama sa kahaponon

manghagad pa
nga dili siya sama sa uban diha
nga bakakon

sa kadaghan sa iyang gipamulong
sa onse ka mga pasalig
dose ang dili tinood.