2011/03/30

paghimo og balak samtang ga chat

nganong hunahunaon pa man gayod kaayo
mawala na hinoon ang

spontaniety

isulat lang ang unang miabot sa hagdanan sa imong utok
pasudla sa pultahan
og palingkora sa imong bangko

ayaw na pangutan-a kon dis-a kini gikan
og naunsa kini
nganong napadpad siya sa balay sa imong panumduman

imbitaha nga matulog sud sa lawak sa imong kasingkasing
human sa usa ka panihapon

kon mahaluna na siya
padayon sa

chat sa imong mga amigo og amiga
nga ganiha rang gapaabot sa imong mga tubag sa ilang mga pangutana

asa na gani ta?

No comments :

Post a Comment

Nindot ba? Unsay imong maikasulti?

Panginhas dire