4/10/2011

kabahin sa atong pagsalop unya

palihog
ayaw lumsi
ang
mga kapakyasan
diha sud
sa baso nga
puno sa
bino

hinonoa
kuhaa ang
duha ka tasa
tunawa ang
kape
diha sa init
pa kaayo
nga tubig

butangi
og usa ka
kutsarita nga
asukar

manglingkod
ta atubangan
sa misalop
nga adlaw
og atong higopon
ang mga ginagmay
tang
kalamposan

pagkaanindot
sa mga bulok
sa atong pagsalop
pagkabugnaw
sa hangin
nga midap-ig
sa atong
dughan

No comments :

Post a Comment

Lami ba?