kinaiyahan

sabton mo
ang mga dili kapugngan
dili sa ingon
nga mangambot ka
og moingon
nga wala kay labot
kabahin niadto
nga mora bag wala
diha ang pagpili
og pakiglambigit
ikaw kadto
oo ikaw, ikaw,
ayaw og uyuga ang
imong abaga
dawata nga
mao kini ang imong
unod og bukog
sa usa ka ngil-ad
nga sayaw sa kinabuhi
nga bisan og
unsaon mog pamakak
nakahatag
sa usa ka pintik nga
kalipay
bunali ayaw ang
imong dughan
sakit na kining
daan
dungagan mo pa
ba?