4/11/2011

pilosopiya

anaa na kini og nasugdan na
nagpadayon sama sa usa ka adlaw
mopiyong sama sa mata
og maghatag sa usa ka pahulay sa
kagabhion
apan pukawon kini sa kaadlawon
aron sugdan na usab
ang mga wala mahuman
magsugod na ang panaw
tuyok-tuyok lang
adunay maabtan apan wala ang
pagbalhin
ni ang pagsibog
kon unsa ang gisugdan mao
usab ang taposon
apan kon sutaon wala diha
ang kataposan
anaa lamang ang kanunay nga
pagsugod
nakapangutana ang gikapoy nga
nagbasa
asa ba ang kataposang
pulong?

anaa kana sa imong
pangutana

No comments :

Post a Comment

Lami ba?