5/03/2011

pahimangno

sa dihang nanamin ka
wala ka mahimuot sa imong nakita
og miiyak ka
diha sa usa ka maot nga
aninaw

dili ikaw ang samin
aduna usab kini siya'y
kaugalingong panglantaw
sumala sa gamugna
kaniya

usahay hibat sab siya
busa
ayaw og kabalaka

piyong lang sa
sa makadyot ang imong mata
og pamatia ang
mga pulong nga gikan sa imong
kasingkasing nga sa kanunay
naghaploy sa imong
mga buhok
paingon sa imong katulugon

"maanyag ka
but-an ka
kasaligan ka
malipayon ka
ang Ginoo mao'y
gamugna
kanimo"

pamatia lang
tagai og higayon
bisag kadyot lang
nga ikaw
lipayon sa imong
kaugalingon

No comments :

Post a Comment

Lami ba?