10/24/2011

ang bato

Kahibalo sa iyang nataran
walay mahimong kalapasan
ingon ana ang
kahingpit
sa usa ka bato

ang iyang hinungdan og
mga katarangungan anaa lamang
sa iyang lawas

walay sobra walay kulang
ingon ana kahingpit ang bato

wala kini bahad nga naghatag og
kahadlok bisan kang kinsa

walay baho
nga angayan natong ipanabi

ang iyang kabugnaw ug
katibuok
maoy iyang gitipig nga dignidad


sa dihang ako kining gihawiran
ug akong gilabay
gibati ko ang dakong pagbasol

sa akong kasubo ako kining gipangita
kon dis-a ko kini gilabay

ug sa dihang ako kining nakit-an
ug gibutang ko sa akong palad

subo usab kining mitutok kanako
walay undang

No comments :

Post a Comment

Lami ba?