10/29/2011

kasingkasing

kining mga pagbiya
sa matag adlaw
kon maandan na
morag wala na lang

nahisama na lang
sa hangin nga midampi sa
imong aping
dayog labay nga walay
panamilit

sa una dakong sagpa kadto
nga gikamatay sa usa ka
dalaga

karon ang mga pagbiya
morag wala na lang

ang mga kasingkasing
gitagoan
wala na kini sa tagsa-tagsa
ka mga dughan

ang uban gilubong sa oling
ang uban gitagoan sa kiting

No comments :

Post a Comment

Lami ba?