usa ka batang babaye
bangs ang buhok
pution
raddish ang akong
nahinumduman diha sa
ibabaw sa lamisa
mao kini ang iyang
gipakitang bahandi
kanako
giingnan niya ang bata
dinhi ka na nako ibilin
daghang tsokolit dinhi
lami ang sud-an
nga adobong manok
daghan ang de lata nga
gatas
og karne norte
mahupong ka unya
sa imong kagutom
mikusmod ang nawong
sa bata
kaiyakon ang iyang
mga mata
nakita ko ang hinog nga
kamatis
lata
gaduga sa banggera
nahumod
sa luha
mipahiyom ko dayon
nakog ingon
nga bantayi pag-ayo ang
bata
basin ug makabuak
ug pigyurin
pinangga sa akong asawa
ang mga platong porselana
mas pinangga niya
si bonbon ang iro namong
putot ug itom
No comments :
Post a Comment
Lami ba?