alang sa isdang nagtuyok-tuyok sa gamay kaayong aquarium nga lingin

gilantaw ko pag-ayo
ang pinirisong isda nga

pagkaanindot ug bulok
diha sud sa aquarium

nga lingin ug kini
nagtuyok-tuyok daw

gustong mogawas ug
magpalayo

sa akong pagpamalandong
niini ako usab nabuyong

ako usab nahisama sa usa
sa maong isda nga

gustong mogawas aron
unta makalingkawas

sa makabuang nga tuyok
tuyok ning gamay kaayong

aquarium sa kinabuhi.