2012/11/02

unsaon ba ang paghikalimot?

nalabyan ko
na ang
gugma

nga adunay
dakong
pensa

giambakan
ko na kini
ug gipalay-an

mituratoy ako
ug dagan
nga morag
baktin
nga di mo
madakpan

apan bisan
sa kalayo
ko na kanimo
ania
gadilaab lang
gihapon
kining kalayo
sa akong
dughan

sa kanunay
gisunog ako
sa imong
panagway

asa kaha ako
moambak
asa kaha ako
modagan

aron lang ako
mahikalimot
kanimo.

No comments :

Post a Comment

Nindot ba? Unsay imong maikasulti?

Panginhas dire