11/11/2012

ang pag-gisi

dili masayon ang
pag-gisi sa maong sulat
nga gitipigan ko
sa pipila ka tuig

kadtong gitisok
nako nga lubi
namunga na
ug
pagkadaghan
sa lahing

labaw pa ang akong
gibuhat
kay sa tinood
gisunog ko ang
tanan

gustong hikalimtan
apan
gitago ko ang
mga abo

ug dinhi
sa usa ka ting-ulan
diin bugnaw kaayo ang
lawak

gisulayan nako
pagbati ang
kainit
sa usa ka dakong
sunog
kaniadto

No comments :

Post a Comment

Lami ba?