2015/10/18

kadtong nagbasol nganong wala gikuyog sa unos

nganong gibiyaan mo ako?
hunat sa isla
sa usa ka dakong unos
nga kagabii pa lamang miabot
unya
sa kaadlawom
mibiya,

gubot sab ang isla
adunay giputlan sa liog
gibalian sa tiil
batang gilumsan
dalagang gilugos, kinsa

ba ang dili ganahan mokuyog
bisan sa unos
dinhi?

bisan gani ang bungi
wala na kabungat sa iyang
pahiyom

Panginhas dire