antos

ang gitagoan
nimong love letter


kuyog sa black and white
picture
sa babayeng mubog 
buhok
dayon balod kaayog
pilok unya
baga ug kilay

ang kandiis sa aping
ug pulang ngabil

imong gigisi.

gipinopino gisunog
dayog lantaw nimo
sa kataposang aso
paingon sa langit

halad sa tanang mga
gugmang nangaguba
nga nakapay-ag kanimo

kaantos man gani ka
sa una nga
batan-on ka pa

unsa na kaha karon
nga tiguwang ka na?

hilom ang mga kumagko
nga nanako sa
luag nga tsinelas