tutok sa langit

gihubad nato
ang ilang kinaraan
gisulayan natog
sukod ang ilang
tingog sa atong
dila
apil pa gani unta
ang ilang
mga bisti ug 
sapatos
atong gisul-ob
kon mahimo gani
pati na ang ilang nawong
ug bukog
hangtod karon wala
pa gihapon kita katugkad
sa atong kaugalingong
kalalom sa atong 
gitagoang kaambongan
ug mga kaanyag
unta kon mahimo
mas nindot baya
ang atong paghubo didto
sa sapa
langoy sa atong
mga bukton
lutaw sa atong mga
tiil
tutok sa atong
gipangita nga langit