bahin kanatong duha

dili kini
kabahin sa milantaw
kanato
kadtong milabay lang
sa atong bentana
samtang 
nagsalo kita sa 
tsokolate ug
puto maya

kabahin kini kanato
kita nga
nagsalo sa tsokolate
ug puto maya
sulod ning kan-anan
ni maria
sa kilid sa iyang
bentana

mibunok ang ulan
unya ang mga
nanglabay
nagkadiaya ug 
panagan

kabahin kini kanatong
duha
samtang mibunok usab
ang kusog nga ulan
sulod ning atong dughan
unya
way usa kanato 
ang misulay paglikay
o dagan
aron mangitag
pasilungan.