2019/08/11

aninipot

kagabii
nagapaila ila ako kaninyo
kay dili ko na
maantos ang
akong pagkapapas

gamay akong kahayag
sama sa usa lamang ka
aninipot

wala kamo masayod 
sa akong gihulugan ug
sa akong
gisak-an sa akong
gilupad
ug gikamang

duha ka kahayag
usa gikan sa tipal-o
apan ang akong
giingon kaninyo mao
ang gikan
sa aninipot nga mihunong
diha sa dahon 
sa kamatyonon na nga
kahoy.

No comments :

Post a Comment

Nindot ba? Unsay imong maikasulti?

Panginhas dire