2019/08/01

sayop ka

human nimog
tug-an sa tinood

midalogdog ug
kusog ang langit

mibunok ang
dakong ulan 

nabuslot ang dakong
dag-om nga panganod

mibaha, mikusog
ang sulog

nangalisang ang
mga tawo

giawasan ang tulay
nadalahig ang mga balay

gikahig ang sakyanan
gilunod ang mga baroto

sayop ka, 
nganong mitug-an ka
man sa tinood?

tan-awa daghan ang
naangin

duna pa gani
namatay.

No comments :

Post a Comment

Nindot ba? Unsay imong maikasulti?

Panginhas dire