nakaiyak baya ang mga alibangbang nga itom diha sa sanga sa katsubong.

nindot baya usab tan-awon kining
duha ka alindanaw nga
nag-alindanaway diha sa dahon
sa antulanga

ang kapait lang kay imo mang
gidakop ug dayon gipamutlan ug mga
ikog ug imong gipanguhaan ug mga
ulo ug dayon nimog labay didto sa
kasagbotan

nakaiyak baya ang mga alibangbang
nga itom diha sa sanga sa katsubong.