2013/12/06

ang iro nga imong gianad sa iyang kagawasan

ang iro nga kanunay
mong gikuyog sa simbahan

siging gipasakay sa motor
aron maligo sa baybayon

kon unya imong pakityon
sa iyang karaang hikot

sa kadena nga igo pa
gihapon sa iyang liog

natural, natural lang gayod
nga mosimag ang mga mata

mopaghot, mangisog,
malagnot, ug mopaak

No comments :

Post a Comment

Nindot ba? Unsay imong maikasulti?

Panginhas dire