2013/12/10

miabot ang kinaiyahan
nanglimpyo
sa hugaw nga gisabwag
sa katawhan

siya mismo
wala malipay
sa pagkadaghan
nga nangahapay

dili kini panimalos
dili kini gaba

wala nato madungog
ang hukom
ni Bathala

ang nahitabo
nahitabo na,

human sa pagpanglimpyo
sa kusog nga ulan
miiyak usab ang kinaiyahan

trabaho lang kini
walang personalan
maoy iyang sulti
sa malipayong wati.

No comments :

Post a Comment

Nindot ba? Unsay imong maikasulti?

Panginhas dire