sabta lang palihog

nangita lang og
tambal

bisan asa na lang
miabot

abi mog
giagawan ka na

og agianan o
kahayag

sabta lang
palihog nangita lang

gayod kinig tambal
sa nagkagamay nga

pabilo sa iyang
kandila

sabta na lang
palihog kon nasaghiran

niya ang imong agtang
kon namansahan niya ang

imong kamison
kon natumban niya ang

imong tiil sabta na lang
palihog

nga nangita lang gayod
siyag tambal

sa iyang kadangag
sa iyang kahangal.